Waqf Amendment Bill Live Updates: કેન્દ્રીય સંસદીય બાબતોના પ્રધાન કિરેન રિજિજુએ બુધવારે લોકસભામાં વકફ સંશોધન બિલ રજૂ કર્યું. લોકસભામાં વકફ સુધારા બીલ રજુ કરવામાં આવ્યુ, જાણો તમામ અપડેટ્સ
Waqf Amendment Bill Live Updates: કેન્દ્ર સરકાર દ્વારા આજે સંસદમાં વક્ફ સુધારા બિલ રજૂ કર્યું. બપોરે 12 વાગ્યે બિલ રજૂ થયા પછી, ચર્ચા માટે 8 કલાકનો સમય ફાળવવામાં આવ્યો છે. NDA સાંસદો 4 કલાક અને 40 મિનિટ સુધી પોતાના વિચારો રજૂ કરશે. બાકીનો સમય વિપક્ષી સાંસદોને આપવામાં આવ્યો છે. સંસદીય બાબતોના પ્રધાન કિરેન રિજિજુ ચર્ચા શરૂ કરશે. ભાજપ, કોંગ્રેસ, જેડીયુ, ટીડીપીએ તેમના સાંસદો માટે વ્હિપ જારી કર્યો.
લોકસભામાં વકફ સુધારા બિલ રજૂ કર્યા પછી, સંસદીય બાબતોના મંત્રી કિરેન રિજિજુએ કહ્યું, ‘દિલ્હીમાં 1970 થી ચાલી રહેલ એક કેસ CGO કોમ્પ્લેક્સ અને સંસદ ભવન સહિત ઘણી મિલકતો સાથે સંબંધિત છે. દિલ્હી વકફ બોર્ડે આ મિલકતોને વકફ મિલકતો તરીકે જાહેર કરી હતી. આ મામલો કોર્ટમાં હતો, પરંતુ તે સમયે યુપીએ સરકારે 123 મિલકતોને ડી-નોટિફાઇ કરીને વક્ફ બોર્ડને સોંપી દીધી હતી. જો આપણે આજે આ સુધારો રજૂ ન કર્યો હોત, તો આપણે જે સંસદ ભવન ખાતે બેઠા છીએ તેને પણ વકફ મિલકત હોવાનો દાવો કરી શકાયો હોત.
Waqf Amendment Bill Live Updates – વકફ સુધારા બીલ
કિરેન રિજિજુએ કહ્યું, ‘હું કહેવા માંગુ છું કે બંને ગૃહોની સંયુક્ત સમિતિમાં વકફ સુધારા બિલ પર જે ચર્ચા થઈ તે ભારતના સંસદીય ઇતિહાસમાં આજ સુધી ક્યારેય થઈ નથી.’ હું સંયુક્ત સમિતિના તમામ સભ્યોનો આભાર માનું છું અને અભિનંદન આપું છું. અત્યાર સુધીમાં, વિવિધ સમુદાયોના રાજ્ય ધારકોના કુલ 284 પ્રતિનિધિમંડળોએ સમિતિ સમક્ષ પોતાના મંતવ્યો અને સૂચનો રજૂ કર્યા છે. 25 રાજ્ય સરકારો અને કેન્દ્રશાસિત પ્રદેશોના વકફ બોર્ડે પણ તેમના પ્રેઝન્ટેશન રજૂ કર્યા છે.
તેમણે કહ્યું, “1995માં પહેલી વાર વકફ ટ્રિબ્યુનલની જોગવાઈ કરવામાં આવી હતી. આ સાથે, વકફ બોર્ડ દ્વારા લેવામાં આવેલા કોઈપણ નિર્ણયથી અસંતુષ્ટ વ્યક્તિ તેને વકફ ટ્રિબ્યુનલમાં પડકારી શકે છે. આ પહેલી વાર હતું જ્યારે આવી સિસ્ટમ સ્થાપિત કરવામાં આવી હતી. તે સમયે એવું પણ નક્કી કરવામાં આવ્યું હતું કે જો કોઈ વકફ મિલકત ૫ લાખ રૂપિયાથી વધુની આવક ઉત્પન્ન કરે છે, તો સરકાર તેના પર દેખરેખ રાખવા માટે એક એક્ઝિક્યુટિવ ઓફિસરની નિમણૂક કરશે. આ સિસ્ટમ પણ ૧૯૯૫માં શરૂ કરવામાં આવી હતી. આજે આ મુદ્દો આટલો મહત્વપૂર્ણ કેમ બની રહ્યો છે?”
આ પણ ખાસ વાંચો:
- મોંઘવારી ભથ્થામાં વધારો: કેન્દ્રીય કર્મચારીઓને સરકારની ભેટ, મોંઘવારી ભથ્થામાં વધારો કરવામાં આવ્યો
- પ્રથમ સ્વદેશી MRI મશીન: ભારતે પોતાનું પ્રથમ સ્વદેશી MRI મશીન વિકસાવ્યુ
ગોગોઈએ સરકાર પર આક્ષેપો કરતાં કહ્યું કે, જે જેપીસીની આ લોકો વાત કરી રહ્યાં છે. તેમાં ક્યારેય તેમણે વિપક્ષનો પક્ષ સાંભળ્યો જ નથી. વિપક્ષના સુધારાને ધ્યાનમાં લીધા જ નથી. આ બિલ દેશની એકતા, અખંડિતતા અને શાંતિના મૂલ્યોને ઠેસ પહોંચાડનારું છે.
સમાજવાદી પાર્ટી (SP) ના નેતા અખિલેશ યાદવે પણ વક્ફ બિલનો વિરોધ કર્યો છે. સંસદમાં પોતાનો પક્ષ રજૂ કરતી વખતે અખિલેશે લખ્યું કે વકફ જમીન કરતાં પણ મોટો મુદ્દો ચીન દ્વારા કબજે કરાયેલી જમીન પાછી લેવાનો છે. ભાજપ હજુ સુધી પોતાના પ્રમુખની પસંદગી કરી શક્યું નથી. સરકાર દરેક મોરચે નિષ્ફળ ગઈ છે.
