મોંઘવારી ભથ્થામાં વધારો: કેન્દ્રીય મંત્રીમંડળે આજે સરકારી કર્મચારીઓને ભેટ આપી છે, એપ્રિલ પહેલા મોંઘવારી ભથ્થામાં 2 ટકાનો વધારો કરવામાં આવ્યો.
મોંઘવારી ભથ્થામાં વધારો DA Hike: કેન્દ્રિય કર્મચારીની આતુરતાનો અંત આવી ગયો છે. શુક્રવારે કેન્દ્રીય મંત્રીમંડળે કેન્દ્ર સરકારના કર્મચારીઓ માટે મોંઘવારી ભથ્થા (DA) માં 2% નો વધારો કરવાની મંજૂરી આપી.
DA Hike – મોંઘવારી ભથ્થામાં વધારો
- કેન્દ્રીય કર્મચારીઓને સરકારની ભેટ
- મોંઘવારી ભથ્થામાં વધારો
- મોંઘવારી ભથ્થા (DA) માં 2% નો વધારો કરવાની મંજૂરી આપી
આ વધારા સાથે હવે કેન્દ્રીય કર્મચારીઓ અને પેન્શનરોના મોંઘવારી ભથ્થા (DA) અને પેન્શનરોના મોંઘવારી રાહત (DR) 53 ટકાથી વધીને 55 ટકા થશે. મહત્વનું છે કે આ વધારો સાતમાં પગાર પંચ પ્રમાણે થયો છે. સરકારે આઠમાં પગાર પંચની પણ જાહેરાત કરી દીધી છે. નવા પગાર પંચની ભલામણો 2026ના જાન્યુઆરી મહિનાથી લાગૂ થઈ શકે છે.
આ પણ ખાસ વાંચો:
- Ghibli Style Image Generator: ChatGPT ના નવા ઈમેજ ફીચરે ગામ ગાંડુ કર્યું
- Myanmar Earthquake: મ્યાનમાર, બેન્કોંગ અને થાઈલેન્ડમાં ભયાનક ભૂકંપ
સાતમાં પગારપંચની ભલામણો પ્રમાણે વર્ષમાં બે વખત કેન્દ્રીય કર્મચારીઓના મોંઘવારી ભથ્થામાં વધારો થાય છે. આ વધારો છ મહિનાના આધારે થાય છે. છેલ્લે જુલાઈ 2024માં કર્મારીઓનું મોંઘવારી ભથ્થું 50 ટકાથી વધારી 53 ટકા કરવામાં આવ્યું હતું. હવે કર્મચારીઓના મોંઘવારી ભથ્થામાં બે ટકાનો વધારો થયો છે.
આ વધારો 1 જાન્યુઆરી 2025 થી અમલી માનવામાં આવશે. જો કેન્દ્રીય કર્મચારીનો મૂળ પગાર 19,000 રૂપિયા હતો, તો તેને મોંઘવારી ભથ્થા તરીકે 10,070 રૂપિયા મળશે. હવે 2 ટકાના વધારા બાદ આ ભથ્થું 10,450 રૂપિયા થઈ ગયું છે. આ સંદર્ભમાં, કેન્દ્રીય કર્મચારીઓના ભથ્થામાં દર મહિને 380 રૂપિયાનો વધારો થયો છે. આ સાથે કેન્દ્રીય કર્મચારીઓને જાન્યુઆરી અને ફેબ્રુઆરી માટે 2 મહિનાનું એરિયર્સ એટલે કે 760 રૂપિયા મળશે.
