ભારતપોલ પોર્ટલ: અમિત શાહે CBI દ્વારા વિકસિત ભારતપોલ પોર્ટલ લોન્ચ કર્યું, જાણો કેવી રીતે કામ કરશે આ ‘ભારતપોલ પોર્ટલ’

Bharatpol Portal: ગૃહમંત્રી અમિત શાહ દ્વારા ભારતપોલ પોર્ટલ લોન્ચ કરવામાં આવ્યું, હવે દેશની આંતરરાષ્ટ્રીય તપાસને નવા યુગમાં લઈ જવાની શરૂઆત થશે.

Bharatpol Portal: કેન્દ્રીય ગૃહ પ્રધાન અમિત શાહે મંગળવારે સેન્ટ્રલ બ્યુરો ઑફ ઇન્વેસ્ટિગેશન (CBI) દ્વારા વિકસિત ભારતપોલ પોર્ટલ લોન્ચ કર્યું હતું. આ પ્રસંગે અમિત શાહ દ્વારા CBI અધિકારીઓ અને કર્મચારીઓને પોલીસ મેડલ પણ અર્પણ કરવામાં આવ્યા હતા.

‘ભારતપોલ’ પોર્ટલના લોન્ચિંગ સમયે પોતાના સંબોધનમાં કેન્દ્રીય ગૃહમંત્રી અમિત શાહે કહ્યું, આજે આપણે ‘ભારતપોલ’ના લોન્ચિંગ માટે અહીં એકઠા થયા છીએ. આ આપણા દેશની આંતરરાષ્ટ્રીય તપાસના નવા યુગની શરૂઆત છે. ભારતની દરેક એજન્સી, ‘ભારતપોલ’ની રચના સાથે, દરેક રાજ્યની પોલીસ તેની મદદથી ઈન્ટરપોલ સાથે સરળતાથી જોડાઈ શકશે અને તપાસને ઝડપી બનાવી શકશે.”

ભારતપોલ પોર્ટલ લોન્ચ કરવામાં આવ્યું

➡️કેન્દ્રીય ગૃહમંત્રી @AmitShah એ સેન્ટ્રલ બ્યુરો ઑફ ઇન્વેસ્ટિગેશન દ્વારા વિકસિત 'ભારતપોલ' પોર્ટલનું લોન્ચિંગ કર્યું

➡️35 CBI અધિકારીઓ અને કર્મચારીઓને પોલીસ મેડલ પણ પ્રદાન કર્યા#BHARATPOL pic.twitter.com/IjETKQ7KxF

— DD News Gujarati (@DDNewsGujarati) January 7, 2025

કેન્દ્રીય ગૃહમંત્રી અમિત શાહે વધુમાં કહ્યું હતું કે, આપણે બધા જાણીએ છીએ કે આપણે અમૃત કાલમાં જીવી રહ્યા છીએ. આઝાદીના 75 વર્ષથી લઈને આઝાદીના 100 વર્ષ સુધીના સમયગાળાને પીએમ નરેન્દ્ર મોદીએ ન માત્ર અમૃત કાલ ગણાવ્યો છે, પરંતુ હવે દેશની 140 કરોડ જનતાએ પણ આ સમયગાળાને અમૃત કાલ તરીકે સ્વીકારી લીધો છે.

શું છે ભારતપોલ પોર્ટલ?

ભારતપોલ પોર્ટલ આંતરરાષ્ટ્રીય ગુનાઓને રોકવા માટે ખૂબ જ અસરકારક સાબિત થશે

આ પણ ખાસ વાંચો:

• Lithotripsy Treatment: સિવિલમાં લિથોટ્રીપ્સી ટ્રીટમેન્ટ પથરીની પેઈન લેસ સારવાર ઉપલબ્ધ
• ISRO Spadex Chaser Selfie Video: ISROનું SPADEX ચેઝર દ્વારા ઇન-ઓર્બિટ સ્પેસ સેલ્ફી વિડિયો કેપ્ચર કર્યો

ખરેખર, ભારતપોલ પોર્ટલ ઈન્ટરપોલ દ્વારા આંતરરાષ્ટ્રીય સહાય માટેની તમામ વિનંતીઓની પ્રક્રિયાને સુવ્યવસ્થિત કરશે, જેમાં રેડ નોટિસ અને અન્ય કલર-કોડેડ ઈન્ટરપોલ નોટિસ જારી કરવાનો સમાવેશ થાય છે. ભારતપોલ પોર્ટલ સાયબર ક્રાઈમ, ફાઈનાન્સિયલ ક્રાઈમ, ઓનલાઈન રેડિકલાઈઝેશન, ઓર્ગેનાઈઝ્ડ ક્રાઈમ, ડ્રગ હેરાફેરી અને માનવ તસ્કરી સહિતના આંતરરાષ્ટ્રીય ગુનાઓને રોકવા માટે ખૂબ જ અસરકારક સાબિત થઈ શકે છે.

તમને જણાવી દઈએ કે સેન્ટ્રલ બ્યુરો ઑફ ઇન્વેસ્ટિગેશન (CBI) દ્વારા વિકસિત આ ‘ભારત પોલ પોર્ટલ’નો હેતુ સાયબર અને નાણાકીય ગુનાઓમાં કાયદા અમલીકરણ એજન્સીઓ અને આંતરરાષ્ટ્રીય પોલીસને મદદ કરવાનો છે, જે વાસ્તવિક સમયમાં માહિતીની આપલે કરશે.