Afghanistan Vs England: ચેમ્પિયન્સ ટ્રોફી 2025 માં આજે અફઘાનિસ્તાન અને ઇંગ્લેન્ડ વચ્ચે મેચ રમાઈ રહી છે, જેમાં ઈબ્રાહીમ ઝદરાને તોફાની બેટિંગ કરીને ઈતિહાસ રચ્યો.
Afghanistan Vs England: Champions Trophy 2025 માં આજે અફઘાનિસ્તાનના ખેલાડી ઈબ્રાહીમ ઝદરા (Ibrahim Zadran)ને ચેમ્પિયન્સ ટ્રોફીના ઇતિહાસમાં સૌથી વધુ વ્યક્તિગત સ્કોર બનાવીને ઈતિહાસ રચી દીધો છે. 146 બોલમાં તેને 177 રન બનાવ્યા. તેની વિકેટ લિવિંગસ્ટને લીધી હતી. પણ ત્યાં સુધીમાં તેને તેની ટીમને એક મજબુત સ્થિતિમાં લાવી દીધી હતી.
Afghanistan Vs England: ઈબ્રાહીમ ઝદરાને તોફાની બેટિંગ કરીને ઈતિહાસ રચ્યો
અફઘાનિસ્તાનના ઓપનર ઇબ્રાહિમ ઝદરાને લાહોરના ગદ્દાફી સ્ટેડિયમ ખાતે ICC ચેમ્પિયન્સ ટ્રોફી (Champions Trophy 2025) માં ઇંગ્લેન્ડ સામે 177 રનની સનસનાટીભરી ઇનિંગ રમીને રેકોર્ડ બુકમાં પોતાનું નામ નોંધાવ્યું. તેણે ચેમ્પિયન્સ ટ્રોફીના ઇતિહાસમાં સૌથી વધુ વ્યક્તિગત સ્કોર નોંધાવ્યો, જે બેન ડકેટે ઓસ્ટ્રેલિયા સામે 165 રન બનાવ્યા હતા. ઝદરાને ક્રીઝ પર 12 ચોગ્ગા અને 6 છગ્ગા ફટકાર્યા હતા.
આ પણ ખાસ વાંચો:
- Champions Trophy 2025: લાહોરમાં ત્રિરંગો લહેરાવતા યુવકની ધરપકડ કરવામાં આવી
- The Bhootnii Teaser: સંજય દત્ત, મૌની રોયની હોરર ફિલ્મ ધ ભૂતનીનું ટીઝર લોન્ચ કરવામાં આવ્યુ
ચેમ્પિયન્સ ટ્રોફીના ઇતિહાસમાં સૌથી વધુ વ્યક્તિગત સ્કોર
| ક્રિકેટર | રન | ટીમ |
| ઈબ્રાહીમ ઝરદાન | 177 | ઇંગ્લેન્ડ (2025) |
| બેન ડકેટ | 165 | ઓસ્ટ્રેલીયા (2025) |
| નાથન એસ્ટલે | 145* | યુ.એસ.એ (2004) |
| એન્ડી ફ્લાવર | 145 | ભારત (2002) |
| સૌરવ ગાંગુલી | 141 | સાઉથ આફ્રિકા (2000) |
મેચ દરમિયાન તેનો આ એકમાત્ર રેકોર્ડ નહોતો, ઝદરાને અફઘાનિસ્તાન માટે સૌથી વધુ ODI સ્કોર પણ રેકોર્ડ કર્યો હતો, જેણે 2022 માં પલ્લેકેલેમાં શ્રીલંકા સામે તેના દ્વારા બનાવેલા 162 રનના અગાઉના રેકોર્ડને તોડી નાખ્યો હતો. તેણે બેન ડકેટના 165 રનને પાછળ છોડીને પાકિસ્તાનમાં ચોથો સૌથી વધુ વ્યક્તિગત સ્કોર પણ રેકોર્ડ કર્યો હતો.
આ સ્કોર ICC મેન્સ ODI ટુર્નામેન્ટમાં અફઘાનિસ્તાનનો સૌથી મોટો સ્કોર પણ છે. તેમનો અગાઉનો શ્રેષ્ઠ સ્કોર 2023 મેન્સ ક્રિકેટ વર્લ્ડ કપમાં ઓસ્ટ્રેલિયા સામે 291/5 હતો.
